Fyrirspurnir v. fjáfestinga

Netfang

fjarfestingar@ilfs.is

Almennar fyrirspurnir

Netfang

info@ilfs.is

VERKEFNIÐ

Stöðin mun notast við gegnumstreymiskerfi með um 70% endurnýtingu þar sem hreinum sjó er dælt upp í gegnum stöðina og hreinsaður áður en honum er skilað aftur til sjávar.

Markmiðið

Stefnt er á byggingu 10.000 tonna á ári fiskeldisstöðvar fyrir lax.  Við það geta myndast um 100 störf í Vestmannaeyjum.  Stöðin mun notast við  gegnumstreymiskerfi með um 70% endurnýtingu þar sem hreinum sjó er dælt upp í gegnum stöðina og hreinsaður áður en honum er skilað aftur til sjávar.  Valinn hefur verið staður í Viðlagafjöru á Heimaey.

Sjávarhiti við Vestmannaeyjar er mjög hagstæður sem er mikilvægt upp á góðan vaxtarhraða og góða afkomu rekstrarins.

Framgangur verkefnis

Unnið hefur verið að verkefninu frá 2018, vinna við umhverfismat fyrir laxeldisstöð í Viðlagafjöru hefur verið unnin í samstarfi við verkfræðistofuna EFLU.  Vonast er til að umhverfismatið klárist fyrir vor 2022 og að lokahönnun stöðvarinnar verði tilbúin þá.

Mikil vinna hefur verið unnin til að tryggja að allar viðskiptaáætlanir og tæknilegar lausnir standist þegar fyrirtækið hefur störf.

Sjálfbærni

Kröfur um að matvæli séu framleidd með ábyrgum hætti aukast stöðugt.  Náttúran skal njóta vafans og ekki skal skerða möguleika komandi kynslóða.

Fyrirtækið verður sett upp á þann hátt að áhrif þess á umhverfið verði í algjöru lágmarki og framleiðslan verður í samræmi við ströngustu staðla. Til framleiðslunnar verður notuð raforka framleidd án losunar koltvísýrings, hliðarstraumar svo sem mykja frá fiskinum verður notuð til landgræðslu og áburðargerðar.

Framleiðslan

Framleidd verða 9.000 tonn af HOG (head on gutted) laxi (Salmo salar). Framleiðslan verður slægð og pökkuð í húsnæði í Viðlagafjöru. Framleitt verður eftir ASC staðli um ábyrga fiskeldisframleiðslu.

Með stýrðum aðstæðum og hágæða fóðri er stefnt að því að framleiða hágæða vöru sem verður eftirsótt á mörkuðum. Stefnt er á frekari stækkanir á framleiðslunni en svæðið í Viðlagafjöru býður upp á mun meiri framleiðslu en upphaflega leyfið sem sótt hefur verið um.

Samvinna

Þegar hönnunarvinnu er lokið verður hafist handa við framkvæmdir á árinu 2023. Félagið vinnur í sameiningu með ráðgjöfum, birgjum og sölufólki á laxi að undirbúa starfsemi félagsins. Reiknað er með að fyrsti lax í sláturstærð verði tilbúinn árið 2025